Халкъ къараманы Ахмет акъайнынъ айдынлатмакъ ичюн театримизнинъ иджадий такъымы айлардыр гъайрет этип чалышты.. «Ким экен Ахмет акъай!..» адлы музыкаль комедияны Эдип Эмирнинъ пьесасы эсасында Р. Бекташев саналаштырды. Режиссернинъ айткъанына коре, о, Ахмет акъай керчектен насыл бири олгъаныны дегиль де, бу мевзуда театримизнинъ мевхумеси косьтереджек олды. Янъы саналаштырмада баш къараманнынъ шахсиети мизахий икяелер ве кулюнчли адиселер ярдымы иле ифаде этиле. О, эр кеске озюнинъ зийреклиги, атиклиги, тек онъа хас олгъан джан агъыртмагъан шакъа ве икметли сёзлер иле файдалы насиатлар бере биле. Баш рольни Къырымда нам къазангъан артист, сана устасы Эшреф Ягьяев иджра этти. Ондан да гъайры спектакльде Сусанна Барабашева, Лейля Омерова, Асан Билялов, Эдем Таиров, Лейля Айвазова, Элина Мустафаева, Алиме Бекирова, Нияра Менджитова ве генчлернинъ роллерини Ахтем Абляев ве Эльвира Аметова иджра эттилер. Мезкюр спектакльнинъ невбеттеки нумайышы декабрь 8 куню саат 19:00 отькериледжек.
Милли театримизде халкъ къараманы акъкъында нумайыш такъдим этильди
sfsdfsdf
